Chelsea er yfir í hálfleik

Chelsea hefur yfir 1-0 gegn Liverpool þegar flautað hefur verið til leikhlés í síðari leik liðanna í undanúrslitum Meistaradeildarinnar. Það var Didier Drogba sem skoraði mark Chelsea á 33. mínútu þegar hann fylgdi eftir skoti Salomon Kalou.

Ausandi rigning er á Stamford Bridge í kvöld en heimamenn í Chelsea hafa verið öllu sprækari. Lykilmenn Liverpool eins og Steven Gerrard og Fernando Torres hafa ekki komist í takt við leikinn og munar um minna.

Varnarmaðurinn Martin Skrtel þurfti að fara meiddur af velli um miðjan hálfleikinn og í hans stað kom hinn reyndi Sami Hyypia. 

Þessi úrslit myndu nægja Chelsea til að komast í úrslitaleikinn í Moskvu eftir 1-1 jafntefli í fyrri leiknum, en hafa ber í huga að Liverpool þurfti alltaf að skora mark í leiknum í kvöld til að komast áfram.