Létt hjá Arsenal gegn Twente - úrslit kvöldsins

Arsenal vann í kvöld 4-0 sigur á hollenska úrvalsdeildarfélaginu FC Twente í forkeppni Meistaradeildar Evrópu og samanlagt 6-0.

Theo Walcott þótti eiga stjörnuleik í kvöld en hann lagði upp fyrsta mark leiksins á 27. mínútu. William Gallas bætti við öðru marki á 52. mínútu en hann fylgdi eftir skoti Nicklas Bentdner sem var varið.

Walcott skoraði svo sjálfur eftir góðan sprett á 66. mínútu og Bendtner skoraði fjórða Arsenal á lokamínútu leiksins.

Þjálfari Twente er Steve McClaren, fyrrum landsliðsþjálfari Englendinga.

Bjarni Þór Viðarsson er á mála hjá Twente en hann á nú við langvarandi meiðsli að stríða.

Arsenal er nú komið í riðlakeppni Meistaradeildarinnar en fjölmargir leikir fóru fram í lokaumferð forkeppninnar í kvöld.

Úrslit kvöldsins:

Anarthosis Famagusta (Kýpur) - Olympiakos (Grikklandi) 0-1 (3-1 samanlagt)

Vitoria Guimaraes (Portúgal) - Basel (Sviss) 1-2 (1-2)

Shaktar Donetsk (Úkraínu) - Atletico Madrid (Spáni) 0-4 (1-4)

Álaborg (Danmörku) - Kaunas (Litháen) 2-0 (4-0)

Levski Sofia (Búlgaríu) - BATE Borisov (Hvíta-Rússlandi) 1-1 (1-2)

Partizan (Serbíu) - Fenerbahce (Tyrklandi) 1-2 (3-4)

Twente (Hollandi) - Arsenal (Englandi) 0-4 (0-6)

Spartak Moskva (Rússlandi) - Dynamo Kiev (Úkraínu) 1-4 (2-8)

Brann (Noregi) - Marseille (Frakklandi) 1-2 (1-3)

Fiorentina (Ítalíu) - Slavia Prag (Tékklandi) 0-0 (2-0)

Galatasaray (Tyrklandi) - Steaua Búkarest (Rúmeníu) 0-1 (2-3)

- Feitletraða liðið er komið áfram í riðlakeppni Meistaradeildarinnar

- Lið sem léku á heimavelli í fyrri viðureigninni eru talin upp fyrst

Viðureign Standard Liege og Liverpool hefur verið framlengd.

Barcelona, Juventus og Panathinaikos komust áfram upp úr forkeppninni í gærkvöldi.