Gladiator á götuna 17. maí 2008 00:01 „Svona græja leggur sig á bilinu 100-150 þúsund dollara úti í Bandaríkjunum og er metnaðarfyllsta verkefni sem ráðist hefur verið í af þessum toga hér á landi,“ segir Jakob Ingi Jakobsson um Gladiatorinn góða. Mynd/Víkurfréttir. Handsmíðaða mótorhjólið hans Jakobs Inga Jakobssonar laganema nefnist The Gladiator og er enginn venjulegur gæðingur. Það hannaði Jakob algjörlega sjálfur í skylmingarþrælastíl og skreytti með um 200 myndum. „Ég hef haft óbilandi mótorhjóladellu um áratuga skeið en hugmyndin um að smíða hjól frá grunni eftir eigin höfði kviknaði vorið 2005. Mér fannst það töff því engin fordæmi voru fyrir því hér á landi. Hins vegar er það alþekkt í Bandaríkjunum og þangað sótti ég visku,“ segir Jakob glaðlega. Hann er að leggja lokahönd á hjól sem á engan sinn líka. Það er af gerðinni 8ball H.D. Softail Chopper og allt í Gladiator-stíl. Tankurinn, stýrið og felgurnar eru til dæmis eftirlíking af sverðshjöltum. Nafnið, The Gladiator, er grafið í hjólið og eiginhandaráritun eigandans er þar líka. Mótorinn er Ultima 127 cc sem skilar 140 hestöflum í afturdekk. „Það er orka á við tvö venjuleg Harley,“ segir Jakob. Hann kveðst hafa fengið grindina gerða í USA eftir sinni forskrift en afganginn hafi hann og Óli Indian smíðað í bílskúr í Hafnarfirði og margir hlutar þess séu skornir út í vatnsskurðarvél. „Orlando myndskreytti svo græjuna fyrir mig,“ segir hann og sýnir listaverk á hjólinu sem sýnir fallna skylmingaþræla. Auk þess eru um 200 hauskúpur málaðar í hjólið og sextán umferðir af glæru lakki yfir. „Það var ansi mikil vinna í þessu enda var vandað geysilega til verka,“ segir eigandinn og ber lof á félagana sem lögðu fram ómælda vinnu. „Samböndin í mótorhjólabransanum eru góð og margir lögðu hönd á plóg svo að útkoman yrði á heimsmælikvarða og hjólið hæft til að fara á hvaða mótorhjólasýningu sem er.“ Mest lesið Fundu lík karlmanns í Reynisfjalli Innlent Kona á níræðisaldri sá björninn í þriggja metra fjarlægð Innlent Frambjóðandi Trump lýsti sér sem „svörtum nasista“ á klámsíðu Erlent Sýknaður af ákæru um manndráp af gáleysi á Akureyri Innlent Ákærður fyrir að stinga lækni í kvöldgöngu Innlent Áhyggjuefni að innri landamærin séu ekki betur tryggð Innlent Rafrettukóngur og eigandi Drekans sakaðir um 740 milljóna brot Innlent Reyndist ekki faðir stúlknanna Innlent „Kerfið er algjörlega að bregðast fólkinu“ Innlent Nafn mannsins sem lést í vinnuslysi í Árborg Innlent
Handsmíðaða mótorhjólið hans Jakobs Inga Jakobssonar laganema nefnist The Gladiator og er enginn venjulegur gæðingur. Það hannaði Jakob algjörlega sjálfur í skylmingarþrælastíl og skreytti með um 200 myndum. „Ég hef haft óbilandi mótorhjóladellu um áratuga skeið en hugmyndin um að smíða hjól frá grunni eftir eigin höfði kviknaði vorið 2005. Mér fannst það töff því engin fordæmi voru fyrir því hér á landi. Hins vegar er það alþekkt í Bandaríkjunum og þangað sótti ég visku,“ segir Jakob glaðlega. Hann er að leggja lokahönd á hjól sem á engan sinn líka. Það er af gerðinni 8ball H.D. Softail Chopper og allt í Gladiator-stíl. Tankurinn, stýrið og felgurnar eru til dæmis eftirlíking af sverðshjöltum. Nafnið, The Gladiator, er grafið í hjólið og eiginhandaráritun eigandans er þar líka. Mótorinn er Ultima 127 cc sem skilar 140 hestöflum í afturdekk. „Það er orka á við tvö venjuleg Harley,“ segir Jakob. Hann kveðst hafa fengið grindina gerða í USA eftir sinni forskrift en afganginn hafi hann og Óli Indian smíðað í bílskúr í Hafnarfirði og margir hlutar þess séu skornir út í vatnsskurðarvél. „Orlando myndskreytti svo græjuna fyrir mig,“ segir hann og sýnir listaverk á hjólinu sem sýnir fallna skylmingaþræla. Auk þess eru um 200 hauskúpur málaðar í hjólið og sextán umferðir af glæru lakki yfir. „Það var ansi mikil vinna í þessu enda var vandað geysilega til verka,“ segir eigandinn og ber lof á félagana sem lögðu fram ómælda vinnu. „Samböndin í mótorhjólabransanum eru góð og margir lögðu hönd á plóg svo að útkoman yrði á heimsmælikvarða og hjólið hæft til að fara á hvaða mótorhjólasýningu sem er.“
Mest lesið Fundu lík karlmanns í Reynisfjalli Innlent Kona á níræðisaldri sá björninn í þriggja metra fjarlægð Innlent Frambjóðandi Trump lýsti sér sem „svörtum nasista“ á klámsíðu Erlent Sýknaður af ákæru um manndráp af gáleysi á Akureyri Innlent Ákærður fyrir að stinga lækni í kvöldgöngu Innlent Áhyggjuefni að innri landamærin séu ekki betur tryggð Innlent Rafrettukóngur og eigandi Drekans sakaðir um 740 milljóna brot Innlent Reyndist ekki faðir stúlknanna Innlent „Kerfið er algjörlega að bregðast fólkinu“ Innlent Nafn mannsins sem lést í vinnuslysi í Árborg Innlent