Valsstúlkur unnu Breiðablik

Íslandsmeistarar Vals unnu 2-1 sigur á Breiðabliki í Landsbankadeild kvenna á Kópavogsvelli í dag. Málfríður Erna Sigurðardóttir kom Val yfir í leiknum á 8. mínútu og Valur komst síðan í 2-0 með sjálfsmarki.

Dagmar Ýr Arnardóttir minnkaði muninn fyrir Breiðablik tíu mínútum fyrir leikslok en lengra komst heimaliðið ekki. Valur er með fullt hús stiga á toppi deildarinnar eftir sjö leiki en Breiðablik er um miðja deild.

Afturelding komst upp í fjórða sæti deildarinnar í dag með 1-0 sigri á Þór/KA.