Björn Bergmann samdi við Lilleström

Skagamaðurinn Björn Bergmann Sigurðarson hefur samið við norska úrvalsdeildarfélagið Lilleström til næstu þriggja ára. Hann verður þar með átjándi íslenski atvinnumaðurinn sem er á mála hjá norsku félagsliði.

Björn Bergmann er sautján ára gamall og sagðist í samtali við heimasíðu Lilleström að hann hlakkaði mikið til að spila með félaginu. Hann verður þó ekki gjaldgengur með félaginu fyrr en félagaskiptaglugginn opnar um áramótin.

„Hann býr yfir þeim likamlegum burðum sem knattspyrnumenn þurfa til að ná í fremstu röð. Við erum afar ánægðir með að hann hafi valið að koma til okkar," sagði Per Mathiesen, framkvæmdarstjóri félagsins.

Fyrir hjá Lilleström er Viktor Bjarki Arnarsson sem var lánaður frá félaginu til KR nú í sumar.