Zuma næsti forseti Suður-Afríku

Dómari í Suður-Afríku vísaði í dag frá spillingamáli sem var höfðað gegn Jacob Zuma, forseta Afríska þjóðarráðsins. Það er þá ekkert því til fyrirstöðu að hann verði næsti forseti landsins.

Dómarinn mælti einnig fyrir um það að ríkissjóður skuli greiða allan málskostnað.

Zuma fór með sigur af hólmi í forsetakjöri Afríska þjóðarráðsins á síðasta ári. Zuma keppti um embættið við Thabo Mbeki. Mbeki núverandi forseta Suður-Afríku.

Að þessum dómi föllnum er nánast öruggt að Zuma mun einnig taka við því embætti af honum í kosningunum á næsta ári.