Meistaradeildardrátturinn í beinni útsendingu á Vísi

Í dag verður dregið í 16-liða úrslit Meistaradeildar Evrópu og verður bein útsending frá drættinum hér á Vísi.

Útsendingin hefst klukkan 11.00. Smelltu hér til að sjá dráttinn.

Tíu af þeim sextán liðum sem komust í 16-liða úrslitin í fyrra eru í hattinum í dag. Liðunum sextán verður skipt í tvo styrkleikaflokka - sigurvegarar sinna riðla eru í einum og liðin sem urðu í öðru sæti í hinum.

Lið frá sama landi geta ekki mæst í 16-liða úrslitunum og þau lið sem voru saman í riðli í riðlakeppninni geta ekki heldur mæst á þessu stigi keppninnar.

Leikið verður heima og að heiman og fara fyrri leikirnir fram dagana 24.-25. febrúar og þeir síðari dagana 10.-11. mars. Sem fyrr verða allir leikirnir í beinni útsendingu á Stöð 2 Sporti.

Efri styrkleikaflokkur:

Roma

Panathinaikos

Barcelona

Liverpool

Manchester United

Bayern München

Porto

Juventus

Neðri styrkleikaflokkur:

Chelsea

Inter

Sporting Lissabon

Atletico Madrid

Villarreal

Olympique Lyon

Arsenal

Real Madrid