Rooney ekki refsað

Wayne Rooney verður ekki refsað vegna atviks sem átti sér stað í leik Manchester United og Álaborgar í Meistaradeild Evrópu í síðustu viku.

Kasper Risgard, leikmaður Álaborgar, hélt því fram eftir leikinn að Rooney hefði traðkað á sér. Dómari leiksins sá ekki atvikið en aganefnd Knattspyrnusambands Evrópu komst að þeirri niðurstöðu að refsa Rooney ekki.

Hefði hann verið fundinn sekur um óíþróttmannslega framkomu hefði hann átt yfir höfði sér þriggja leikja bann.

Leiknum lauk með 2-2 jafntefli.