Kevin Kuranyi með fernu

Schalke burstaði Energie Cottbus 5-0 í þýsku úrvalsdeildinni í kvöld. Kevin Kuranyi gerði sér lítið fyrir og skoraði fjögur af fimm mörkum Schalke í leiknum.

Mirko Slomka var rekinn úr starfi þjálfara Schalke í gær og í hans stað ráðnir tveir fyrrum leikmenn félagsins, Hollendingurinn Youri Mulder og Þjóðverjinn Michael Büskens. Þeir voru ráðnir til loka leiktíðar og fengu óskabyrjun í kvöld.

Bayern München er með 60 stig í efsta sæti, Werder Bremen er í 2. sæti með 53 stig og Schalke í þriðja með 51 stig en Bayern á leik inni á hin tvö.

Úrslit kvöldsins:

Hansa Rostock - Werder Bremen 1-2

Hertha Berlin - Hamborg 0-0

Schalke - Cottbus 5-0

Wolfsburg - Bochum 0-1