Stórsigur hjá Tottenham

Tottenham vann í kvöld góðan 4-0 sigur á Dinamo Zagreb í UEFA-bikarkeppninni í knattspyrnu. Manchester City og Aston Villa unnu einnig sína leiki.

Harry Redknapp hefur náð að snúa við gengi Tottenham á ótrúlegum skömmum tíma en tæpar tvær vikur eru síðan hann tók við liðinu.

Darren Bent fór á kostum í kvöld og skoraði þrennu fyrir Tottenham. Tom Huddlestone skoraði fjórða mark Tottenham en það vakti einnig athygli að hinn sextán ára John Bostock kom inn á sem varamaður hjá Tottenham í kvöld.

Þá skoraði Robinho stórglæsilegt mark er Manchester City vann 3-2 sigur á FC Twente frá Hollandi.

Shaun Wright-Phillips kom City yfir en Eljero Elia jafnaði metin. Robinho og Benjani komu svo City í 3-1 en Rob Wielart minnkaði muninn fyrir Twente.

Robinho skaut þar að auki tvívegis í stöngina í leiknum en Twente átti reyndar mjög gott færi undir lok leiksins og hefði getað tryggt sér stig.

Þá vann Aston Villa nauman 1-0 sigur á Slavia Prag í kvöld en Steve Sidwell tryggði Villa sigurinn í kvöld.

AC Milan vann einnig sinn leik í kvöld en liðið lagði Sporting Braga með sama mun, 1-0.

Úrslit kvöldsins:

Metalist Kjarkov - Hertha Berlin 0-0

Stuttgart - Partizan Belgrad 2-0

Spartak Moskva - Udinese 1-2

Lech Poznan - Nancy 2-2

Feyenoord - CSKA Moskva 1-3

Wolfsburg - Heerenveen 5-1

Benfica - Galatasaray 0-2

Slavia Prag - Aston Villa 0-1

Ajax - MSK Zilina 1-0

Manchester City - Twente 3-2

Racing Santander - Schalke 1-1

AC Milan - Sporting Braga 1-0

Standard Liege - Sevilla 1-0

St. Etienne - Rosenborg 3-0

Tottenham - Dinamo Zagreb 4-0