Stabæk í úrslit norska bikarsins

Stabæk tryggði sér í kvöld sæti í úrslitaleik norsku bikarkeppninnar með því að leggja Molde 3-0 í undanúrslitum. Veigar Páll Gunnarsson var í byrjunarliði Stabæk í leiknum og Pálmi Rafn Pálmason kom inn sem varamaður í lok leiks.

Þetta er í fyrsta skipti í áratug sem liðið leikur til úrslita í bikarnum, en Daniel Nannskog (2) og Pontus Farnerud skoruðu mörk liðsins í kvöld.

Stabæk mætir annað hvort Odd Grenland eða Valerenga í úrslitaleik keppninnar í næsta mánuði.