ÍR og GRV upp í Landsbankadeildina

Ljóst er að ÍR og GRV leika í Landsbankadeild kvenna á næstu leiktíð. Liðin taka sæti Fjölnis og HK/Víkings sem þegar eru fallin úr Landsbankadeildinni.

Í kvöld fóru fram síðari leikirnir í umspili 1. deildar um laus sæti í efstu deild. ÍR kemst aftur upp eftir eins árs fjarveru en liðið vann Hött samtals 9-0 í tveimur leikjum.

GRV (sameinað lið Grindavíkur, Reynis og Víðis) lagði Völsung á Húsavík samtals 7-2. ÍR og GRV leika svo í úrslitaleik á sunnudag um hvort liðið verður 1. deildar meistari 2008.