Stenson vann eftir sjöfaldan bráðabana

Svíinn Henrik Stenson háði harða baráttu við Trevor Immelman frá Suður-Afríku á heimsmeistarakeppninni í holukeppni í gær.

Stenson hefur titil að verja á mótinu en hann þurfti sjöfaldan bráðabana til að klófesta sigurinn í gær og þar með sæti í 16-manna úrslitum. Hann náði loksins fugli á sjöundu aukaholunni í viðureign þeirra í gær en Immelman varð að sætta sig við par.

Tiger Woods komst einnig áfram en hann vann fremur þægilegan þriggja vinninga sigur á Arron Oberholser.

Sergio Garcia, Colin Montgomerie, Padraig Harrington, Vijay Singh, Stuart Appleby og Justin Leonard komust allir áfram en þeir Phil Mickelson, Lee Westwood, Luke Donald og Stewart Cink duttu allir úr leik.

16-manna úrslit:

Tiger Woods - Aaron Baddeley

Paul Casey - KJ Choi

Sigurvegararnir úr þessum tveimur viðureignum mætast í fjórðungsúrslitum og á hið sama við í viðureignunum hér fyrir neðan.



Jonathan Byrd - Henrik Stenson

Woody Austin - Boo Weekley

Stuart Appleby - Justin Leonard

Rod Pampling - Vijay Singh

Steve Stricker - Angel Cabrera

Colin Montgomerie - Stewart Cink