Enginn vill mæta Liverpool

Miðjumaðurinn Patrick Vieira hjá Inter segir að Liverpool sé liðið sem enginn vill mæta þegar kemur að drættinum í 8-liða úrslit Meistraradeildarinnar á morgun. Vieira var í liði Inter sem féll úr leik gegn Liverpool á dögunum.

"Liverpool var erfiður andstæðingur og þetta lið getur unnið keppnina. Þessir leikmenn hafa gert þetta áður og vita nákvæmlega hvað til þarf á þessu stigi keppninnar. Þeir eru liðið sem enginn vill mæta en ég vona úr þessu að það verði Arsenal sem vinnur. Arsenal er lengi búið að vinna eftir því að vinna þessa keppni og á það skilið," sagði Vieira og lýsti yfir aðdáun sinni á fyrrum félagi sínu.

"Ég sá Arsenal spila gegn Milan á San Siro um daginn og strákarnir voru frábærir. Ég held að þeir eigi þokkalega möguleika á að vinna þessa keppni, því þeir eru með gæðaleikmenn í sínum röðum. Ég vona sannarlega að þeir vinni," sagði Frakkinn.