Wenger: Við áttum að vinna þennan leik

Arsene Wenger, stjóri Arsenal, var að vonum ekki sáttur með að þurfa að sætta sig við 1-1 jafntefli í leiknum gegn Liverpool í Meistaradeildinni í kvöld.

"Það er erfitt að skilja af hverju við unnum ekki þennan leik. Við vorum meira með boltann og fengum fullt af færum ti lað skora. Við vorum líka óheppnir. Mér fannst við óheppnir þegar þeir jöfnuðu og við vorum óheppnir að fá ekki dæmda vítaspyrnu. Það er erfitt að kyngja svona dómi í svona mikilvægum leik, en við verðum líklega að kyngja því," sagði Wenger og hrósaði Steven Gerrard sem lagði upp jöfnunarmark Liverpool.

"Við hefðum geta gert betur. Steven Gerrard sýndi frábæra takta með því að leggja upp jöfnunarmarkið, en við hefðum átt að gera betur eftir að þeir jöfnuðu. Það sem mestu máli skiptir er við vinnum Liverpool í deildinni á Emirates, því það mun hjálpa okkur í síðari leiknum á Anfield."