Ferguson gæti hvílt Ronaldo

Svo gæti farið að Alex Ferguson, stjóri Manchester United, hvíli Cristiano Ronaldo er United tekur á móti Celtic í Meistaradeild Evrópu í kvöld.

Ronaldo gekkst í sumar undir aðgerð á ökkla og er enn að koma sér aftur í sitt fyrra form. Hann segist hafa rætt við fyrrum aðstoðarmann sinn, Carlos Queiroz, sem er nú landsliðsþjálfari Portúgal.

„Carlos finnst að Cristiano finnist enn erfitt að spila strax á miðvikudegi eftir leik á laugardegi,“ sagði Ferguson. „Þar sem þessi leikur er á þriðjudegi þarf ég að skoða málin vel og athuga hvort ég eigi að setja frekar Nani í liðið.“