Riise langar að skora á móti Arsenal

Norski leikmaðurinn John Arne Riise hjá Roma er mjög spenntur fyrir leik liðsins gegn Arsenal í 16-liða úrslitum Meistaradeildarinnar í næstu viku.

"Allir vita að ég er góður skotmaður og mig langart að skora fyrir Roma á móti Arsernal," sagði Riise í samtali við ítalska fjölmila.

"Ég hef þegar skorað tvívegis á móti Arsenal - einu sinni á Highbury og einu sinni á Emirates. Þetta verða jafnir leikir og ég þekki Arsenal-liðið mjög vel. Þeir leika mjög hraðan sóknarleik," sagði Norðmaðurinn.

Hann metur möguleika Roma góða gegn Arsenal. "Við eigum möguleika á að slá Arsenal út og ég held að þetta verði opinn leikur. Okkar markmið er að ná í úrslitin," sagði Riise.