Gerrard ekki með Liverpool í kvöld

Fyrirliðinn Steven Gerrard verður ekki með liði Liverpool í kvöld þegar það sækir Chelsea heim í síðari leik liðanna í 8-liða úrslitum Meistaradeildarinnar.

Liverpool þarf að vinna upp 3-1 tap á Anfield til að eiga möguleika á að komast áfram í keppninni, en ljóst er að Rafa Benitez knattspyrnustjóri metur málið þannig að betra sé að tjalda öllu í úrvalsdeildinni en í Evrópu.

Gerrard er ekki einu sinni í leikmannahópnum hjá Liverpool og er þegar þetta er skrifað að spóka sig í VIP stúkunni á Stamford Bridge þar sem hann virðist ætla að horfa á leikinn eins og hver annar áhorfandi.

Chelsea hefur ekki tapað á heimavelli í Meistaradeildinni síðan í febrúar árið 2006. Síðan hefur liðið spilað 16 leiki og unnið 13 þeirra.

Byrjunarliðin í kvöld:

Chelsea: Cech, Ivanovic, Alex, Carvalho, A Cole, Essien, Ballack, Lampard, Kalou, Malouda, Drogba.

Liverpool: Reina, Aurelio, Arbeloa, Skrtel, Carragher, Kuyt, Lucas, Alonso, Mascherano, Benayoun, Torres.