Torres meiddist í gær

Liverpool varð fyrir áfalli í Madrid í gær þegar framherjinn Fernando Torres meiddist og haltraði af velli.

Torres meiddist á ökkla frekar snemma í leiknum en spilaði samt í rúman klukkutíma.

Rafa Benitez, stjóri Liverpool, á ekki von á því að Torres spili gegn Middlesbrough um helgina og efast um að hann nái leiknum gegn Sunderland næsta þriðjudag.

„Hann mun missa af einhverjum leikjum, það er ljóst. Það verður erfitt fyrir hann að leika gegn Boro en við verðum að sjá hvað gerist," sagði Benitez.