Ronaldo gagnrýndi leikaðferð Ferguson

Cristiano Ronaldo hjá Manchester United sagði að leikaðferð Manchester United hefði brugðist gegn Barcelona í úrslitaleik meistaradeildarinnar í gær.

"Ég get ekki útskýrt þetta. Við lékum ekki vel, leikaðferð okkar var ekki góð, allt fór úrskeiðis hjá okkur. Við verðum að hrósa Barcelona en þeir voru satt best að segja heppnir að ná í úrslitin. Mér fannst Chelsea ekki eiga skilið að tapa í undanúrslitunum en enginn virðist minnast á það. Ég verð samt að hrósa Barcelona. Þeir voru betri og eftir svona leik talar fólk bara um liðið sem vinnur," sagði Ronaldo.