Pepe: Þetta var ekki víti

Portúgalinn Pepe hjá Real Madrid er afar ósáttur við vítaspyrnuna sem var dæmd á hann gegn AC Milan á San Siro í gær.

Boltinn virtist fara í hönd Pepe þegar vítið var dæmt en hann segir það ekki vera rétt.

„Vítaspyrnudómurinn var afar sérkennilegur. Það er samt erfitt að sjá að boltinn fór í raun og veru í bakið á mér," sagði Pepe en honum fannst sitt lið eiga öll stigin skilið í gær.

„Við komum til að sigra. Mér fannst við spila frábæran leik og eiga skilið að vinna."