Arsenal áfram í Meistaradeildinni

Arsenal vann öruggan 3-1 og samanlagðan 5-1 sigur á Glasgow Celtic í kvöld og tryggði sér þar með þátttökurétt í riðlakeppni Meistaradeildar Evrópu.

Eduardo kom Arsenal yfir á 28. mínútu með marki úr vítaspyrnu og Emmanuel Eboue tvöfaldaði forystuna á 53. mínútu. Andrei Arshavin bætti svo þriðja markinu við áður en Massimo Donati minnkaði muninn fyrir Skotana.

Stuttgart, Fiorentina, Olympiakos og APOEL frá Kýpur tryggðu sér einnig sæti í riðlakeppninni í kvöld. Síðastnefnda liðið vann sigur á FC Kaupmannahöfn í kvöld, 3-1, og 3-2 samanlagt.