Guðmundur vann fremsta mann Ítala á HM í Japan

Guðmundur E. Stephensen er kominn áfram í 2. umferð á Heimsmeistaramótinu í borðtennis sem haldið er í Yokohama í Japan. Guðmundur vann Ítalann Mihai Bobocica í 1. umferð.

Guðmundur vann Mihai Bobocica 4-2 eftir hörkuleik þar sem hann lenti tvisvar undir en tryggði sér sigur með því að vinna síðustu þrjár hrinunar. Hrinurnar fóru 10-12, 11-4, 9-11, 11-7, 13-11 og 11-7.

Guðmundur mætir næst Li Ching frá Hong Kong sem er í 15. sæti heimslistans. Bobocica var í 88. sæti á heimslitanum og þetta verður því krefjandi verkefni fyrir Íslandsmeistarann í borðtennis sem er í 198. sæti á listanum.