Ferdinand gat æft

Rio Ferdinand æfði í dag með liði Manchester United og eru það góða fréttir fyrir liðið en United mætir Arsenal í síðari viðureign liðanna í undanúrslitum Meistaradeildar Evrópu á morgun.

Ferdinand fékk þungt högg á síðuna í fyrri viðureign liðanna í síðustu viku og var um tíma óttast að hann væri rifbeinsbrotinn. Hann hóstaði upp blóði í búningsklefanum eftir leikinn og dvaldi á sjúkrahúsi um nóttina.

Hins vegar misstu þeir Patrice Evra og Wes Brown af æfingunni og eru þeir tæpir fyrir leikinn á morgun.

Það var John O'Shea sem tryggði United 1-0 sigur á Arsenal á heimavelli í síðustu viku.