Bakvarðalausir Börsungar í Róm

Sigur Barcelona á Chelsea í Meistaradeildinni í kvöld var ekki án afleiðinga. Liðið missti nefnilega tvo menn í bann fyrir úrslitaleikinn.

Ekki bara það heldur eru þessir tveir menn bakverðir liðsins - Dani Alves og Eric Abidal. Alves fékk gult sem var nóg til þess að koma honum í leikbann en Abidal fékk umdeilt rautt spjald.

Þetta gæti verið talsverður hausverkur fyrir þjálfara Börsunga, Pep Guardiola, enda nýtir Man. Utd vængina afar vel og verður erfiðara að stöðva Ronaldo án bestu bakvarða liðsins.

Darren Fletcher verður að sama skapi í banni hjá Man. Utd.