Valdís Þóra með eitt högg í forskot eftir fyrsta dag hjá konunum

Valdís Þóra Jónsdóttir úr Leyni er með eitt högg í forystu eftir fyrsta dag á Íslandsmótinu í höggleik. Valdís Þór hélt forskoti sínu þrátt fyrir að fá skolla á síðustu fjórum holunum.

Valdís Þóra lék holurnar átján á 74 höggum í dag eða þremur höggum yfir pari. Í öðru sæti er Ásta Birna Magnúsdóttir úr Keili sem lék á 75 höggum.

Íslandsmeistarinn frá því í fyrra, Helena Árnadóttir úr GA, kemur síðan í 3. til 5. sæti ásamt þeim Rögnu Björk Ólafsdóttur úr GK og Eygló Myrru Óskarsdóttur úr GO. Þær léku allar á 77 höggum og eru því þremur höggum á eftir Valdísi Þóru.