Reynt að sanna að Renault hafi svindlað

FIA, alþjóðbílasambandið hefur kallað til fjölmörg vitni til að reyna sanna að Renault hafi látið Nelson Piquet keyra viljandi á vegg í kappakstrinum í Singapúr í fyrra. Fernando Alonso er meðal þeirra sem hefur mætt í vitnaleiðsur.

Alonso var yfirheyrður í kringum belgíska kappakstrinum, en segist ekkert kannast við að Renault hafi breitt brögðum til að hann ynni mótið. Umræðan snýst um hvort Piquet hafi klesst viljandi á vegg í tólfta hring samkvæmt fyrirmælum yfirmanna sinna, til að Alonso næði forystu fyrir aftan öryggisbíl sem var kallaður inn á brautina.

Atvikið varð til þess að Alonso náði forystu og hélt henni til enda, þar sem þjónustuplan hans smellpassaði við áreksturinn og bensínmagn um borð í bílnum.

Yfirmenn Renault verða kallaðir fyrir hjá FIA síðar í mánuðinum, en kappaksturinn í Singapúr fer fram eftir tvær vikur. Þeir hafa sagt í viðtölum að Piquet hafi rætt þessa hugmynd fyrir keppnina, en ekki hefði verið tekið undir hana. Piquet var rekinn frá Renault fyrir nokkrum vikum og nokkru síðar kom umræðan um óhappið upp.

Renault keppir á Monza brautinni á Ítalíu um helgina.