Ribery: Enginn samningur við Real

Franck Ribery neitar því að félag hans, Bayern München, og Real Madrid hafi komist að samkomulagi um að hann fari til spænsku höfuðborgarinnar næsta sumar.

Bayern hafnaði öllum tilboðum í Ribery í sumar og var Real talið hvað líklegast til að fá hann í sínar raðir. En ekkert varð af því enda lokaði félagaskiptaglugginn á meginlandi Evrópu í gærkvöldi.

Margir áttu einnig von á því að Ribery færi til Real fyrst að Hollendingurinn Arjen Robben var seldur frá Real til Bayern á dögunum.

Ribery neitaði því staðfastlega í samtali við France Football að samkomulag væri í gildi um að hann færi til Real næsta sumar. Hann sagði þó þess fullviss að hann færi til Spánar einn daginn.

„Ég vil fara til Spánar og einn daginn mun ég spila í La Liga," sagði Ribery.