Mosley bálreiður Formúlu 1 liðum

Max Mosley, forseti FIA segist nú hyggja á endurkjör til forseta FIA á ný eftir að FOTA, samtök keppnisliða sendu frá sér það sem hann telur rangindi í yfirlýsingu í gær.

"FOTA hefur vísvítandi blekkt fjölmiðla. Við náðum samkomulagi í gær um framtíð Formúlu 1. Markmið allra var að skapa jákvæða ímynd um íþróttina. Ég var því dolfallinn að lesa ummæli frá Formúlu 1 liðum sem sagði að Michel Boeri væri stjórnandi FIA, sem eru hrein ósannindi og að ég kæmi ekki nálægt Formúlu 1 í framtíðinni", sagði Mosley.

"Að sama skapi var ég titlaður sem einræðisherra og það er móðgun við þá 26 starfsmenn akstursíþróttaráðs FIA, sem hafa kosið um allt sem skiptir máli síðan 1980. Þá var ég kjörinn af 122 klúbbum víðsvegar um heiminn. Ef FOTA vill á nýi samningurinn nái fram að ganga, þá ber mönnum að draga ósannindin tilbaka og biðjast afsökunar", sagði Mosley sem vill formlega afsökun frá FOTA. Ellegar skoðar hann endurkjör til forseta.

FIA, FOM og FOTA sömdu friið um Formúlu 1 fyrir tveimur dögum síðan, en greinlegt er að hreinsa þarf út á ýmsum stöðum væringar í orði.