Forseti Cagliari: Jose Mourinho getur ekki kennt Ítölum neitt

Massimo Cellino, forseti Cagliari, eru orðinn afar þreyttur á látalátum Jose Mourinho, þjálfara Inter, og endalausum skotum hans á knattspyrnuforustuna á Ítalíu.

Portúgalinn sagði að ítalski fótboltinn muni aldrei breyta heiðarleika sínum og ýtti þar undir sögusagnir um frekara svindl og enn fleiri skandala innan ítölsku knattspyrnuforustunnar en hafa verið undanfarin ár.

„Mourinho? Hann kemur úr portúgölsku deildinni svo ég held að hann geti nú ekki kennt okkur mikið á ítalíu," sagði Massimo Cellino í viðtali við Corriere Dello Sport.

Inter vann ítalska meistaratitilinn á sínu fyrsta ári undir stjórn Jose Mourinho og er sem stendur með fjögurrra stiga forskot á toppi ítölsku deildarinnar.