Topplið Vals heimsækir KR

Fjórir leikir fara fram í Pepsi-deild kvenna í knattspyrnu í kvöld þar sem topplið Vals heimsækir KR. Karlalið Vals vann einmitt KR í Vesturbænum í gær.

Valsstúlkur eru enn taplausar í deildinni en þær hafa unnið fjóra leiki og gert eitt jafntefli. KR er með níu stig í fjórða sæti eins og Fylkir.

Fylkisstúlkur heimsækja Stjörnuna, sem er í sjötta sætinu og Grindavík tekur á móti Breiðablik sem er í þriðja sæti. Þá tekur Afturelding á móti Haukum.

Leikir kvöldsins - Allir klukkan 19.15:

Afturelding - Haukar

Grindavík - Breiðablik

KR - Valur

Stjarnan - Fylkir