Max Mosley þvertekur fyrir að Ferrrari hafi verið í uppáhaldi hjá honum eða innan FIA þegar hann var forseti sambandsins, eins og oft var rætt um á árum áður. Hann segir þetta í F1 Racing tímaritinu.
Vefsetrið Autosport fjallar um þetta, en tímaritið er í eigu sömu aðila og reka vefinn. Lesendur ritsins lögðu spurningar fyrir Mosley, sem stundum var umdeildur sem forseti. Hann vann öttulegga að öryggismálum keppenda og gjörbreytti gangi mála hvað það varðar og öryggi á mótssvæðum. Á stundum vildu menn meina að FIA hefði Ferrari undir sínum verndarvæng, þegar mál komu upp gegnum tíðina.
"Við vorum aldrei vilhallir Ferrari, þó sumir hefðu þá trú. En við gátum farið og rætt mál við Ferrari og menn voru opinskáir með upplýsingar. Ekki önnur lið", sagði Mosley.
Mosley segir að Ferrari hafi verið á móti því að minnka kostnað í Formúlu 1, þar sem fyrirtækip hafi haft nægt fjármagn til að verja í þróun og smíði. Hvað hann sjálfan varðar og hann væri umdeildur sagði Mosley.
"Ég held að þeir áhorfendur sem vissu staðreyndir hafi ekki verið á móti mér. Allt sem ég hef gert hefur verið með það að leiðarljósi að halda Formúlu 1 gangandi. Þetta er mun viðkvæmara fyrirbæri en fólk gerir sér grein fyrir", sagði Mosley m.a. í tilsvörum til lesenda.
Mosley: Ferrari var aldrei í uppáhaldi
