Tiger farinn í meðferð vegna kynlífsfíknar?

Það hefur nákvæmlega ekkert farið fyrir Tiger Woods eftir að upp komst um stórfellt framhjáhald kylfingsins. Svo lítið hefur farið fyrir honum að fjölmiðlar vita fæstir hvar hann sé á hnettinum.

Í bresku slúðurblaðinu The Sun er því haldið fram að Tiger sé staddur í Höfðaborg í Suður-Afríku. Það sem meira er þá eru orðrómar um að hann sé þar til þess að fá meðferð vegna meintrar kynlífsfíknar.

Eiginkona Tigers, Elin Nordegren, er flutt frá kappanum og á að hafa tjáð vinum að hún myndi skilja við kappann ef hann færi ekki í meðferð vegna kynlífsfíknarinnar.