Goran Pandev: Þetta er draumur

Goran Pandev, leikmaður Inter, sagði eftir sigur liðsins í Meistaradeild Evrópu að þetta væri draumur en hann hefur sigrað þrjá titla á aðeins sex mánuðum með liðinu en Inter keypti leikmanninn frá Lazio í janúar. Inter sigraði FC Bayern 2-0 með mörkum frá Diego Milito.

„Þetta er draumur, ég er mjög ánægður og vill þakka öllum í kringum mig. Eftir margra ára bið vinnur Inter loksins meistaradeildina og þetta er eins og draumur," sagði Pandev stoltur eftir leikinn við Sky Italia.


„Ég gat aldrei ímyndað mér að ég yrði hér eftir allt sem gerðist hjá Lazio. Á örfáum mánuðum er ég búinn að vinna þrennuna og ég er mjög ánægður með það," bætti Pandev við.

Stóra spurningin núna er hvort stjóri liðsins, Jose Mourinho, verði áfram eða hverfi á braut og taki við spænsku risunum Real Madrid.

„Ég vona að Mourinho verð hér áfram. Við erum með mjög sterkan leikmannahóp. Það verður erfitt að endurtaka þetta sem við erum búnir að afreka, en við verðum alltaf að reyna og ætlum okkur að sigra allt því við erum Inter," sagði Pandev.