Benitez: Nei, það er ekki búið að reka mig

Það er mikil óvissa í kringum framtíð Rafael Benitez í þjálfarastólnum hjá nýkrýndum Heimsmeisturum félagasliða í Internazionale Milan.

Þessi fyrrum stjóri Liverpool, hefur verið harðlega gagnrýndur fyrir frammistöðu liðsins í haust þrátt fyrir að hann sé þegar búinn að skila þremur titlum í hús.

Ítalskir fjölmiðlar skrifuðum um það í morgun að Internazionale væri búið að reka spænska þjálfarann og meðal annars stóð á forsíðu hins virta blaðs La Gazzetta dello Sport: „Benitez er farinn"

Massimo Moratti, forseti Internazionale, hefur neitað að tjá sig um málið í dag en þjálfarinn sjálfur var í útvarpsviðtali í heimalandi sínu þar sem að hann neitaði fréttunum.

„Nei, það er ekki búið að reka mig," sagði Benitez í viðtali við spænsku úrvarpsstöðina Onda Cero í dag.