Langflestar útstrikanir hjá Sjálfstæðisflokknum

Alls strikuðu 4471 kjósandi út nöfn á lista Sjálfstæðisflokksins í Reykjavík eða breyttu sætaskipan. Það voru alls 6915 breytingar gerðar á kjörseðlum í kosningunum í gær. Þannig að rúmlega 64 prósent breyttra kjörseðla tilheyra Sjálfstæðisflokknum.

Það er ekki búið að telja einstaka útstrikanir á frambjóðendum.

Næstir á eftir Sjálfstæðisflokknum kemur Samfylkingin en hún er með 971 útstrikanir og breytta sætaskipan. Þá vekur sérstaka athygli að litlu færri, eða 904, strikuðu út og breyttu sætaskipan hjá Besta flokknum.

Næst komu Vinstri grænir með 475 breytta kjörseðla. Framsókn var með 61. H-listi Ólafs F. Magnússonar var með 15. Reykjavíkurframboðið með 9 og Frjálslyndi flokkurinn var með 5 breytta seðla.

Enn er verið að telja einstaka útstrikanir.