Inter lagði Chelsea á San Siro

Jose Mourinho gekk sigurreifur af velli í kvöld eftir að lið hans, Inter, bar sigurorð af Chelsea á San Siro, 2-1.

Þetta var fyrri leikur liðanna í sextán liða úrslitum Meistaradeildar Evrópu. Rimmunni langt í frá lokið og stefnir í spennandi leik á Stamford Bridge.

Diego Milito kom Inter yfir á 3. mínútu leiksins og þannig stóðu leikar í hálfleik. Milito lék auðveldlega á John Terry í markinu og lagði boltann svo í nærhornið.

Salomon Kalou jafnaði leikinn á 51. mínútu. Átti skot utan teigs sem Cesar átti að verja en gerði ekki.

Esteban Cambiasso tryggði Inter síðan sigur fjórum mínútum eftir að Kalou hafði jafnað leikinn. Fékk boltann fyrir utan teig og skaut honum í fjræhornið.