Mercedes hættti við Schumacher áfrýjun

Mercedes liðið hefur dregið tilbaka áætlun sína að áfrýja ákvörðun dómara í Mónakó kappakstrinum, þar sem Michael Schumacher var færður úr sjöttta sæti í það tólfta. Autosport.com greinir frá þessu í dag. Mercedes tilkynnti strax að liðið ætlaði að áfrýja dómnum, en sendi frá sér tilkynningu í dag þar sem segir að liðið telji að Michael Schumacher hafi verið í fullum rétti að reyna framúrakstur á Fernandoi Alonso eftir að öryggisbíllinn yfirgaf brautina í lok mótsins. Dómarar töldu svo ekki vera. Mercedes vitnar í reglu sem önnur lið fóru eftir og að 10 fremstu ökumennirnir hafi keppt um sæti, þó síðasti spretturinn hafi verið mjög stuttur. Mercedes segist ekki ánægt með ákvörðun dómara, en fellur frá áfrýjun þar sem FIA hafi samþykkt að skoða þurfi regluna og túlkun hennar um þetta mál. Íþróttarinnar vegna segist Mercedes því hafa ákveðið að draga áfrýjunina tilbaka.