Ólafur sá fyrsti sem fær fullt hús tvö ár í röð

Ólafur Stefánsson fékk í kvöld fullt hús atkvæða í kosningu Samtaka Íþróttafréttamanna á Íþróttamanni ársins. Þetta var annað árið í röð sem allir meðlimir Samtaka Íþróttamanna setja hann í efsta sæti á sínum lista og er það í fyrsta sinn sem sami maður fær fullt hús tvö ár í röð.

Ólafur á nú jafnframt þrjár mestu yfirburðakosningar allra tíma því alveg eins og í fyrra vann hann kjörið með 193 stigum. Ólafur fékk 193 stigum meira en Snorri Steinn Guðjónsson í fyrra og 193 stigum meira en Eiður Smári Guðjohnsen í ár.

Íþróttamenn ársins með fullt hús:

Ólafur Stefánsson, 2009

Ólafur Stefánsson, 2008

Eiður Smári Guðjohnsen, 2005

Einar Vilhjálmsson, 1985

Einar Vilhjálmsson, 1983

Hreinn Halldórsson, 1977

Erlendur Valdimarsson, 1970

Guðmundur Hermannsson, 1967

Sigríður Sigurðardóttir, 1964

Vilhjálmur Einarsson, 1960

Vilhjálmur Einarsson, 1956

Mestu yfirburðir í kjöri Íþróttamanns ársins:

227 stig Ólafur Stefánsson, 2002

193 stig Ólafur Stefánsson, 2008

193 stig Ólafur Stefánsson, 2009

177 stig Margrét Lára Viðarsdóttir, 2007

173 stig Eiður Smári Guðjohnsen, 2005

143 stig Bjarni Friðriksson, 1990

115 stig Magnús Scheving, 1994

103 stig Vala Flosadóttir, 2000