Allegri: Glaður að vera kominn áfram

Massimiliano Allegri, þjálfara AC Milan, var létt eftir góðan útisigur, 0-2, á Auxerre. AC Milan mátti alls ekki misstíga sig í leiknum en er komið áfram eftir sigurinn.

"Liðið stóð sig vel. Þeir sköpuðu nánast engin færi á meðan okkur gekk ágætlega að opna þá. Við áttum sigurinn skilinn og ég er afar ánægður að vera kominn áfram í keppninni," sagði Allegri sem stillti upp afar reynslumiklu liði í kvöld.

"Það var fínt jafnvægi í liðinu í kvöld og má að mörgu leyti þakka það Seedorf og Gattuso. Við urðum að vinna og treysta á Real Madrid sem skilaði líka sínu."

Zlatan og Ronaldinho skoruðu mörk Milan í leiknum.

"Mér finnst Zlatan vera að standa sig vel í Evrópukeppninni og á Ítalíu. Hann er okkur afar mikilvægur. Ég gladdist líka með Ronaldinho," sagði Allegri en Zlatan er búinn að skora fjögur Meistaradeildarmörk í fimm leikjum.