Raul spilar með Schalke í Meistaradeildinni í kvöld

Spánverjinn Raul mun í kvöld leika sinn fyrsta leik fyrir þýska félagið Schalke í Meistaradeildinni er það mætir Lyon.

Raul hefur þrisvar verið í sigurliði í þessari keppni og verður að teljast ólíklegt að fjórði titillinn komi með Schalke í vetur.

"Það væri frábært að skora í leiknum en sigurinn er samt það sem skiptir mestu máli," sagði Raul.

Þjálfari félagsins, Felix Magath, er bjartsýnn á að Raul muni standa sig vel með liðinu í keppninni.

"Vonandi skorar hann í sínum fyrsta leik með okkur í keppninni. Klaas-Jan Huntelaar er alhliðaframherji og þar með betri en Kevin Kuranyi. Það ætti að hjálpa Raul," sagði Magath.