Mata vildi skipta á treyju við Giggs

Juan Mata, vængmaður Valencia, er afar svekktur að Ryan Giggs skuli ekki spila með Man. Utd á morgun gegn Valencia í Meistaradeildinni.

Mata dýrkar Giggs og hefur gert lengi. Hann var því búinn að dreyma lengi um að fá að spila gegn velska vængmanninum.

"Ég hef alltaf talað mikið um Giggs því hann er vinstri fótar maður eins og ég. Ég skoðaði allar hreyfingar hans og reyndi að læra af honum. Það er ömurlegt að hann geti ekki spilað leikinn því ég hefði viljað skipta á treyju við hann eftir leik," sagði Mata sem fær annað tækifæri er liðin mætast í seinni umferðinnni.