Helgi Valur og félagar fengu mikilvæg stig í Íslendingaslagnum

Helgi Valur Daníelsson og félagar í AIK unnu gríðarlega mikilvægan 1-0 sigur á GAIS í sænsku úrvalsdeildinni í fótbolta í gær en með sigrinum fór AIK úr þriðja neðsta sæti deildarinnar upp í það níunda.

Helgi Valur kom inn á sem varamaður á 70. mínútu leiksins en sigurmark AIK kom síðan úr vítaspyrnu þremur mínútum fyrir leikslok.

Hallgrímur Jónasson og Eyjólfur Héðinsson léku allan leikinn með GAIS, Hallgrímur sem miðvörður en Eyjólfur inn á miðri miðjunni.