Ronaldinho: Ég hleyp ekki meira af því að ég þarf þess ekki

Brasilíumaðurinn Ronaldinho hefur spilað vel fyrir ítalska liðið AC Milan en hann hefur engu að síður margoft verið gagnrýndur fyrir það að vinna ekki næginlega vel fyrir liðið. Hinn 30 ára gamli Ronaldinho er ekki mikið að kippa sér upp við þetta.

Blaðamaður ítalska blaðsins Corriere della Sera spurði Ronaldinho beint út í það af hverju hann hlypi ekki meira inn á vellinum.

„Ég hleyp ekki meira af því að ég þarf þess ekki," sagði Ronaldinho og bætti við: „Það getur vel verið að ég taki kannski ekki mikinn þátt í spilinu en ég er samt duglegur að gefa stoðsendingar á samherja mína í liðinu," sagði Ronaldinho.

Ronaldinho var með 15 mörk og 17 stoðsendingar í 43 leikjum á síðasta tímabili og hefur þegar gefið þrjár stoðsendingar í fjórum leikjum á þessu tímabili.