Mourinho segist ekki hafa talað við nein félög

Jose Mourinho, þjálfari Inter, segir að hann hafi ekki rætt við nein félög um framtíðarstarf en mikið hefur verið skrifað og slúðrað um framtíð hans í boltanum. Mourinho gaf í dag út yfirlýsingu á heimasíðu Inter.

„Ég hef ekki talað við neitt félag og eins og allir stuðningsmenn Inter, þá er aðeins að hugsa um leikina við Siena og Bayern Munchen," sagði í yfirlýsingu Jose Mourinho.

Inter er þegar orðið bikarmeistari og getur bætt við tveimur titlum í þessum tveimur síðustu leikjum tímabilsins.

Inter verður ítalskur meistari með sigri á Siena á sunnudaginn og spilar síðan til úrslita í Meistaradeildinni á móti Bayern laugardaginn á eftuir.