Theodór Elmar lék vel á miðjunni

Íslendingaliðið Gautaborg vann sannfærandi sigur á Kalmar 3-1 í sænska boltanum í gær.

Theodór Elmar Bjarnason var í byrjunarliði Gautaborgar og lék í sinni uppáhalds stöðu á miðjunni.

Elmar átti flottan leik eins og varnarmaðurinn Ragnar Sigurðsson sem einnig var í byrjunarliðinu. Hjálmar Jónsson byrjaði á bekknum en kom inn sem varamaður þegar fimm mínútur voru liðnar af seinni hálfleik.

Gautaborg er í níunda sæti sænsku úrvalsdeildarinnar eftir sautján umferðir en sextán lið skipa deildina.