Mancini: Heimskuleg hegðun hjá Balotelli

Roberto Mancini, stjóri Man. City, var allt annað en sáttur við Ítalann Mario Balotelli en hann fékk heimskulegt rautt spjald í leiknum í Evrópudeildinni í gær.

Balotelli lét reka af sig af velli á 36. mínútu gegn Dynamo Kiev í gær og það var ekki til þess að auðvelda verkefnið enda var City tveim mörkum undir eftir fyrri leikinn. Enda fór svo að City féll úr leik.

"Ég er gríðarlega vonsvikinn því í svona leik er ekki hægt að ná sér í rautt spjald með heimskulegri framkomu," sagði Mancini.

Vandamálið með Mario er að hann telur sig geta orðið frábæran leikmann. Þegar hann gerir svona heimskulega hluti gerir hann lífið erfiðara fyrir okkur alla.

Balotelli átti afar erfiðan dag í gær því honum tókst ekki heldur að koma sér í vesti fyrir leik. Hann virtist hreinlega ekki kunna að klæða sig í það eins ótrúlega og það hljómar.