Vettel fannst skrítinn tilfinning að horfa á lokasprett tímatökunnar

Sebastian Vettel hjá Red Bull er fremstur á ráslínu í fjórða skipti í fjórum mótum á þessu keppnistímabili. Hann náði besta tíma í tímatökum fyrir tyrkneska kappaksturinn sem er á morgun í beinni útsendingu á Stöð 2 Sport kl. 11.30.

Vettel keyrði bíl sinn útaf á æfingu í gær og tapaði af dýrmætum æfingatíma. Gat ekki ekið á seinni föstudagsæfingunni. Hann hann var sáttur við dagsverkið í dag.



„Ég er ánægður með árangurinn. Það gekk ekki vandræðalaust í morgun og við þurftum að gera mikið. Ég kann vel bið brautina og það hjálpar og það gott að finna að ég þurfti ekki marga hringi til að ná takti", sagði Vettel á fréttamannafundi í dag.

Red Bull ökumennirnir skipulögðu tímatökuna þannig að Vettel og Mark Webber óku ekki síðustu mínútur tímatökunnar.

„Þetta var fyndið, þar sem við Mark ákvaðum í lokahluta tímatökunnar að sleppa seinni tilraun okkar og það er skrítinn tilfinning að sjá aðra í brautinni og vita að þeir geta slegið þér við. Ég gat bara horft á og ekkert hægt að gera. Auðvitað er gott að hafa sparað dekk fyrir morgundaginn, en þetta er skrítinn tilfinning og ég er auðvitað ánægður."

Aðspurður um væntanlega keppni sagði Vettel:

„Þetta verður erfið keppni, að höndla dekkin. Við sjáum hvað við tökum mörg hlé. Ég krosslegg fingurna og vona að við verðum í talsambandi alla keppnina. Það kemur sér vel þegar kemur að því að passa upp á dekkin", sagði Vettel, sem missti samband við liðið í Kína.

 „Sjálfstraustið er í lagi fyrir mótið. Við erum með góðan bíl. Vonandi verður hasarinn fyrir aftan okkur fyrir áhorfendur. En þetta verður vandasamt mót", sagði Vettel.

Brautarlýsing fyrir Istanbúl Park