Nemanja Vidic: Þeir spiluðu frábæran fótbolta

Nemanja Vidic, fyrirliði Manchester United, fékk ekki að lyfta Meistaradeildarbikarnum eftir úrslitaleikinn á Wembley í kvöld þar sem Barcelona vann 3-1 sannfærandi sigur.

„Við gerðum ekki nógu mikið til að trufla þá með boltann. Þeir spila í raun án framherja því að bæði Villa og Pedro draga sig alltaf út á kantana og þess vegna skapast auðveldlega misskilingur í vörninni," sagði Nemanja Vidic.

„Þeir spiluðu frábæran fótbolta og átti þennan sigur skilinn," sagði Vidic.