Hoffenheim tapaði án Gylfa

Hoffenheim fer ekki vel af stað í þýsku úrvalsdeildinni en liðið tapaði í dag fyrir Hannover á útivelli, 2-1, í fyrstu umferð deildarinnar.

Gylfi Þór Sigurðsson lék ekki með Hoffenheim vegna meiðsla en talsvert er um meiðsli í herbúðum félagsins þessa stundina.

Jan Schlaudraff og Moa skoruðu mörk Hannover en Sejad Salihovic fyrir Hoffenheim úr vístpyrnu. Öll mörkin komu á fyrstu 30 mínútunum. Ryan Babel, fyrrum leikmaður Liverpool, var í byrjunarliði Hoffenheim en var tekinn af velli á 63. mínútu.

Schalke átti skelfilega leiktíð í fyrra og tapaði í dag fyrir Stuttgart, 3-0, á útivelli. Meistararnir Dortmund hófu titilvörnina með 3-1 sigri á Hamburg í gærkvöldi. Wolfsburg fór vel af stað með 3-0 sigri á Köln á útivelli.

Stórlið Bayern München á ekki að spila fyrr en á morgun en þá mætir liðið Gladbach á heimavelli.

Úrslit dagsins:

Stuttgart - Schalke 3-0

Augsburg - Freiburg 2-2

Bremen - Kaiserslautern 2-0

Hannover - Hoffenheim 2-1

Köln - Wolfsburg 0-3